رۆژهه‌لاتی ناوه‌راستگرنگ
لە پارێزگایەکی عێراق 16 زیاره‌تكار گیانیان له‌ده‌ستدا
لە ڕووداوێکی هاتووچۆدا لە پارێزگای سەڵاحەددین، 16 كه‌س گیانیان له‌ده‌ستداوه و 13ی دیكه‌ش بریندارن.
خالید بورهان، به‌ڕێوه‌به‌ری ته‌ندروستیی پارێزگای سه‌ڵاحەد‌دین بە میدیاکانی عێراقی راگه‌یاند، به‌هۆی رووداوێكی هاتووچۆوه كه له نێوان دوجه‌یل و سامه‌ڕا روویداوە، 16 كه‌س گیانیان له‌ده‌ستداوه و 13ی دیكه‌ش بریندارن.
به‌ڕێوه‌به‌ری ته‌ندروستیی پارێزگای سه‌ڵاحەد‌دین ئاماژه‌ی به‌وه‌شكرد، زۆرینەی ئه‌وانه‌ی گیانیان له‌ده‌ستداوه، زیاره‌تكاری ئێرانن و بۆ چله‌ی ئیمام حوسێن هاتبوونه عێراق.
بە گوتەی خالید بورهان، برینی بەشێک لە زیارەتکاران سەختە و ڕەوانەی نەخۆشخانەکانی سەڵاحەددین و بەغدا کراون.
Facebook Comments Box
