بوومەلەرزەیەکی بەهێز شارێکی تورکیای هەژاند

بوومەلەرزەیەک بە گوڕی 5.5 پلەی ریختەر شارۆچکەی کۆزان-ی سەر بە پارێزگای ئادانای هەژاند.

سەرۆکایەتیی کارەساتی لەناکاو و فریاگوزاریی تورکیا – ئافاد رایگەیاند، کاتژمێر 08:44 خولەکی بەیانی ئەمڕۆ سێشەممە 25/7/2023 بوومەلەرزەیەک بەگوڕی 5.5 پلەی رێختەر لە شارۆچکەی کۆزان-ی سەر بە پارێزگای ئادانا تۆمارکراوە، بەڵام تائێستا هیچ زانیارییەک لەبارەی زیانی بوومەلەرزەکە بڵاونەکراوەتەوە.

بوومەلەرزەکەی شارۆچكەی کۆزان لە پارێزگاکانی قەیسەری، کۆنیا، شارۆچكەی عوسمانییە لە هاتای، یۆزگات، مێرسین، ئاکسارای و نیدە ـی تورکیا و دیلۆک، مەڵەتی، مەڕەش، سەمسوور، رووها و ئەلبستانی باکووری کوردستان هەستیپێکراوە.