مەسرور بارزانی، سەرۆکی حکومەتی هەرێمی کوردستان، لە رۆژی جیهانی زمانی دایک، پەیامێکی پیرۆزبایی بڵاوکردەوە.
ئەمەش دەقی پەیامەکەیە:
ڕۆژی جیهانیی زمانی دایک لە کوردستانیان پیرۆز بێت.
هەرێمی کوردستان بە هەبوونی زمان و کولتووری جیاوازەوە دەوڵەمەندە و جێی شانازییە، کە هەموو پێکهاتەکانی کوردستان، ئازادانە بە زمانی دایکی خۆیان دەدوێن و دەخوێنن.
زمان، بنەمایەکی گرنگ و سەرەکی بوون و ناسنامەی نەتەوەیی و نیشتمانیمانە.
حکومەتی هەرێمی کوردستان، پابەندبوونی خۆی بە گرنگیدان بە زمانی کوردی و زمانی هەموو پێکهاتەکانی گەلی کوردستان دووپات دەکاتەوە.
Facebook Comments Box
