ماڵی ئه‌و تۆمه‌تباره روخێندرا كه ده‌ستدرێژیی سێكسیی كردبوه سه‌ر كچێكی 7 ساڵان
مالی پیاوێکی خەلکی شاری بەسرە دەروخێندرێ دوای ئەوەی دەستدرێژی سێکسی دەکاتە سەر کچێکی ٧ ساڵان.
لێكۆڵینه‌وه‌كان و دانپێدانانه‌كان ده‌ریانخستوه كه تۆمه‌تباره‌كه كچه‌كه‌ی بردوه‌ته خانویه‌كی چۆڵ و دوای ئه‌وه‌ی ده‌ستدرێژیی سێكسیی كردوه‌ته‌سه‌ر، كوشتویه‌تی و ته‌رمه‌كه‌ی خستوه‌ته ناو زبڵدانێكه‌وه.
سه‌ره‌تا باوكی كچه‌كه له كامێراكانی چاودێرییه‌وه ماڵی تۆمه‌تباره‌كه‌ی دۆزیوه‌ته‌وه‌و چوه‌ته سه‌ر ماڵیان و پرسیاری كچه‌كه‌ی لێكردوه، ئه‌ویش پێی وتوه كه گوایه دوای ئه‌وه‌ی شیرینیی بۆ كڕیوه، له‌سه‌ر شه‌قامه‌كه جێی هێشتوه.
باوكه‌كه به‌م قسانه قه‌ناعه‌تی نه‌كرد و پۆلیسی ئاگادار كردوه، پۆلیس ده‌ستی به‌لێكۆڵینه‌وه كرد و هه‌موو راستییه‌كانی به تۆمه‌تباره‌كه ده‌رخست، دواجار دادگا بڕیاریدا ماڵی تۆمه‌تباره‌كه بڕوخێنێت، ئه‌وه‌ش له‌سه‌ر بڕیاری حكومه‌تی خۆجێیی به‌سره كه بڕیاریداوه دانیشتوانی هه‌ر ناوچه‌یه‌كی زیاده‌ڕۆ ئه‌گه‌ر تاوان ئه‌نجام بده‌ن، ماڵه‌كانیان بڕوخێندرێت.
