ئەگەر لات وایە ئەوەی لەگەڵ بەرپرسی گەندەڵ و مرۆڤی مشەخۆر کردووتە و بۆت چۆتە سەر، لە بەرامبەر بێدەنگبوونت لە ئاستیان، دەمیان چەور کردوویت و گیرفانیشت پڕ، دڵنیا بە ئەم تەکنیکی کارکردنەت لەگەڵ جەنابی (شێخ باز) بڵقی سەر ئاوە. پیاوێکی وەک (شێخ باز) کە ڕابردوو و ئێستای پڕ بێت لە شانازی و چاکەکاری و هاوکاریکردنی مرۆڤایەتیی بە گشتی و کۆمەڵگەی کوردیی بە تایبەتی، وەک ڕۆژی ڕوون دیارە کە لە داهاتووشدا دەبێتە ناوێکی بەرزتر و باڵای شکۆ و ڕێزدارییەکەی، هەمیشە بەرز و بەرزتر دەبێتەوە.
مرۆڤ هەر کارێک کە دەیکا، دەبێ بەوپەڕی ئەمانەتی پیشەیی و ئەخلاقی مرۆڤانە ئەنجامی بدات. بەڵام کەرتەمرۆڤ و کەرتە ڕۆژنامەنووسێکی وەک (قادر نادر) کەی لەم شتانە حاڵی دەبێ؟
کەرتە ڕۆژنامەنووسێکی دەمشڕی جنێودەری لاکۆڵانان، کە هەر ڕۆژە و لە بەردەرگەی کەسێک و حیزبێکدا دەستی پان کردۆتەوە، ئیتر بە چی ڕاست دەبێتەوە و دەتوانێ وەک مرۆڤێکی تەندروست بژی و کەی لەوە حاڵی دەبێت، کە قسەکردن و گفتوگۆ ئەتەکێت و ئیتیکی خۆی هەیە؟
وەک (شێخ ڕەزای تاڵەبانی) فەرموویەتی:
«چەرمی ڕووی هێند قایمە، شمشێری میسری نایبڕێ.
گەر بە کەوشی کەی دەمێنێ، تا قیامەت نادڕێ.»
نانپەیداکردن و کاسبیکردن جۆری زۆرە. ڕەنگە ئەمەی (قاف نوون) جۆرێکی جیاوازی کاری ڕۆژنامەنووسی بێت. کە من پێم باشە ناوی بنێم، (ڕۆژنامەنووسی دەڤەری جڕتاوە.) ئاخر تۆیەک، کە ئەوانەی هەوادار و گوێگرتن، ژمارەیان لە سەت کەس تێناپەڕێت و تا ئێستا تۆیەکی سۆشیالخۆری نەزان بە مامۆستا و داکۆکیکاری مافەکانی خۆیان بزانن، ئاسایییە تۆش وا تێگەیشتبیت کە دەتوانیت ڕزگارکەریان بیت. گومانی تێدا نییە کە ڕق و حەسوودی هەناو و مێشکتی داگیر کردووە لە بەرامبەر (شێخ باز) و ناچاریت لە خۆتەوە قسەی بێبنەما ڕیز بکەیت و هەندێک ڕستەی بێسەروبەر بخەیتە ڕوو، کە خۆیشت ناتوانی ڕاستییەکان بۆ خۆت بسەلمێنی. نەک بۆ ڕای گشتیی. ماوەتەوە ئەم شیعرەی (شێخ ڕەزای تاڵەبانی)ت لە کۆتاییدا بۆ بنووسم:
«لە کەر گەڕێن، با لەناو قەرسیلی سەوزدا یاریی بکا
ڕۆژێک هەر دێ خاوەن قەرسیل، کەر دارکاریی بکا.»
بەهجەت حەسەن
