سوپاى عێراق 10 هەزار سەرباز دادەمەزرێنێ

وەزارەتى بەرگریى عێراق لە کاژێر یەکى بەرەبەیانى 15ی ئەیلوول تاوەکو کاژێر 12ى شەوى 21ى ئەیلوولى 2023 دەرگاى پێشکێشکردنى داواکارى دەکاتەوە.

وەزارەتى بەرگریى عێراق لە راگەیێندراوێکدا ئاماژەى بەوەدا، تەمەنى وەرگرتنى سەربازان لە ریزى سوپا لە 18 ساڵییەوە دەستپێدەکات تاوەکو 30 ساڵ، لە کاتێکدا پێشتر 25 ساڵ بوو، پێشکەشکار دەبێت لانیکەم بڕوانامەى سەرەتایی هەبێت.

هەروەها لە کاژێر یەکى بەرەبەیانى 15ی ئەیلوول تاوەکو کاژێر 12ى شەوى 21ى ئەیلوولى 2023 دەرگاى پێشکێشکردنى داواکارى دەکاتەوە، بۆ ئەوانەى دەیانەوێت ببنە سەرباز لە ریزى سوپادا.

بەگوێرەى پارەى تەرخانکراوەیش بۆ وەزارەتى بەرگری لە نێو یاسای بودجە، کەمترین مووچەى دامەزرێنداوەکان 750 هەزار دینار دەبێت.