له‌ به‌غدا به‌ نارنجۆك هێرش دەکرێتە سه‌ر ماڵێك

ئەمرۆ له‌ رۆژهه‌ڵاتی شاری به‌غدا‌ چه‌ند كه‌سێكی نه‌ناسراو نارنجۆكێكیان فڕێداوه‌ته‌ ماڵی هاووڵاتییه‌ك.

سه‌رله‌به‌یانی ئه‌مڕۆ هه‌ینی ٢٩/٩/٢٠٢٣ له‌ گەڕەکی ئووڕی شاری به‌غدای پایته‌خت نارنجۆكێك فڕێدراوه‌ته‌‌ ماڵێك و به‌هۆیه‌وه‌ كه‌سێك گیانی له‌ده‌ستداوه‌ و دووانی تریش بریندار بوون كه‌ سه‌رجه‌م قوربانییه‌كان ئه‌ندامی یه‌ك خێزانن.

پۆلیس و هێزه‌كانی ئه‌منی گه‌یشتوونه‌ته‌ شوێنی ڕووداوه‌كه‌ بۆ ئه‌وه‌ی له‌ هۆكاری ڕووداوه‌كه‌ بكۆڵنه‌وه‌.