هۆکاری سەردانە بەپەلەکەی سودانی بۆ هەولێر ئاشکرا کرا
محەمەد شیاع سودانی، سەرۆک وەزیرانی عێراق گەیشتە هەولێر بۆ گەیاندنی پەیامێکی ئەمریکا تایبەت هەڕەشە ئەمنییەکانی ناوچەکە.
ئێوارەی ئەمڕۆ پێنج شەممە ٩/١١/٢٠٢٣ محەمەد شیاع سودانی، سەرۆک وەزیرانی عێراق لە رێگەی فڕۆکەخانەی نێودەوڵەتی هەولێر گەیشتە کوردستان و مەسرور بارزانی، سەرۆک وەزیرانی هەرێم پێشوازی لێکرد.
بەپێی زانیاریەکان، سەردانەکە جگەلە باسکردنی کێشەکانی نێوان هەولێرو بەغداد، سەردانەکە پەیامێکی ئەمنیشی هەڵگرتووە.
بەگوێرەی زانیاریەکان دوای سەردانی ئەنتۆنی بلینکن، وەزیری دەرەوەی ئەمریکا و کۆبونەوەی لەگەڵ محەمەد شیاع سودانی، سەرۆک وەزیرانی عێراق و گەیاندنی پەیامی هەڕەشە تایبەت بە هێرشەکانی سەر بنکەو بارەگاکانی ئەمریکا لە عێراق و پاشان سەردانی سودانی بۆ کۆماری ئیسلامی ئێران و دواتر کۆبوونەوە لەگەڵ سەرکردەکانی چوارچێوەی هەماهەنگی پاشان گەیاندنی ئەو پەیامە بە بەرپرسانی باڵای کوردستان.
سەردانە چاوەڕواننەکراوەکەی سودانی تایبەتە بە گەیاندنی پەیامی ئەمنی و رێگری لە هێرشەکانی سەر بنکەو بارەگاکانی ئەمریکا لە عێراق و کوردستان.
