ڕاگەیاندراوێك لە بەڕێوەبەرايەتی نەهێشتنی ماددە هۆشبەرەکانەوە
-(٣)بازرگان دەستگیرکران و هاوکات بڕی (٢٥)کیلۆ و (٨٠٠)گرام ماددەی هۆشبەر لەجۆری کریستاڵ دەستی بەسەرداگیرا .
لە بەردەوامی هەوڵەکانمان لە بەرەنگاربوونەوەو نەهێشتنی ماددە هۆشبەرەکان، لەشەوی ١٣/١٢ـی ١ـی ٢٠٢٤ لەلایەن بەڕێوەبەرایەتیەکەمان بە هاوکاری بەڕێوەبەرایەتی بەدواداچوون و چاودێری و تیمەکانی بنکەی سۆران و دهۆکی سەر بەبەڕێوەبەرایەتیمان، دوای وەرگرتنی بڕیاری بەڕێز دادوەری لێکۆڵینەوەی ئاسایش، توانرا (٣) بازرگانی ماددە هۆشبەرەکان کە دوانیان بیانیین دەستگیر بکرێن و هاوکات لەم چاڵاکیەدا بڕی (٢٥) کیلۆ و (٨٠٠)گرام ماددەی هۆشبەر لەجۆری کریستاڵ لە شارۆچکەی سیدەکان و سەنتەری شاری هەولێر دەستی بەسەردا گیرا .
شایانی ئاماژە پێدانە ئەم باندەی دەستگیکراون پێکهاتەی باندێکی مەترسیداری بازرگانیکردنن بە ماددە هۆشبەرەکان و لە کاتی هەوڵدان بۆ دەستگیرکردنیان یەکێک لەبازرگانەکان ڕووبەڕووی تیمەکانی بەڕێوەبەرایەتیمان بووەوەو دواتر بە برینداری دەستگیرکرا.
بەڕێوەبەرایەتی نەهێشتنی ماددە هۆشبەرەکان
٢١ـی١ـی٢٠٢٤
