بەغدا بڕەپارەیەکی دیکەی بۆ هەرێمی کوردستان نارد

وەزارەتی دارایی عێراق بڕی 37 ملیار دیناری دیکەی خستە سەر هەژماری بانکیی هەرێمی کوردستان و تاوەکو ئێستا 600 ملیار دیناری ناردووە.

لە نووسراوێکی وەزارەتی دارایی عێراق کە واژۆی د. جەمیل ساجب، بەڕێوەبەری گشتیی فەرمانگەی ژمێریاری پێوەیە، بڕی 37 ملیار و 123 ملیۆن و 814 هەزار و 706 دیناری خستووەتە سەر هەژماری بانکیی هەرێمی کوردستان لە بانکی ناوەندی، لە نووسراوەکە ئاماژە بەوەدراوە کە ئەو بڕە بۆ مووچەی کەسوکاری شەهیدان و ئەنفالکراوانە.

بۆ دابەشکردنی مووچە، هه‌رێمی كوردستان پێویستی به‌ 949 ملیار دیناره‌، بە گوێرەی ئەو بڕە پارەیەی بەغدا ناردوویەتی 349 ملیار کورتهێنان هەیە.