هەرێمی كوردستان بەرەو كشتوكاڵی زیاتر و عێراقیش بەرەو وشكەساڵی

عێراق بەرەو وشکەساڵی دەڕوات بەهۆی ئەوەی زۆرینەی زەوییە تەرخانکراوەکانی بۆ کشتوکاڵ کەڵکیان نەماوە و زەوییەکانی کوردستانیش دووچاری وشکبوونەوە و لەناوچوونی بەرهەمەکان نەبووەتەوە و دۆخیان بۆ کشتوکاڵ لەوپەڕی باشیدایە.

هیوا عەلی، گوتەبێژی وەزارەتی کشتوکاڵ و سەرچاوەكانی ئاوی هەرێمی کوردستان ڕایگەیاند: لە هەرێمی کوردستان نۆ ملیۆن و 937 هەزار و 769 زەوی بۆ کشتوکاڵ تەرخان کراون؛ بەپێی ئەو سەرژمێریانەی لەلایەن وەزارەتی کشتوکاڵەوە كراون هیچ کام لەو زەوییە تەرخانکراوانە کێشەیان تێدانییە و دووچاری وشکبوونەوە نەبوونەتەوە.

ئەمەش لەکاتێکدایە، عەلی حەموود شەممەری، بەرێوەبەری گشتیی فەرمانگەی زەوییە کشتوکاڵییەکان لە وەزارەتی کشتوکاڵی عێراق ڕایگەیاندبوو: 51 ملیۆن دۆنم ڕووبەری زەوی لە عێراق بۆ کشتوکاڵ تەرخانکراوە، بەهۆی وشکەساڵییەوە تەنیا 24 ملیۆن دۆنم بەکەڵکی کشتووکاڵ ماوە.

ژێدەر

ئاڤا