وابڕیارەی لە بەنداوی گۆمەسپانەوە ئاوی پاك بۆ چەند گەڕەكێكی هەولێر دابین بکرێت.
ڕابەر حوسێن، بەڕێوەبەری ئاوی هەولێر، بە فەرمانگەی میدیا و زانیاریی ڕایگەیاند: لەڕێگەی پڕۆژەیەكەوە ئاوی پاك لە بەنداوی گۆمەسپانەوە بۆ كەسنەزان و بنەسڵاوە و گەڕەكی هەشتی حەسارۆك و هەر گەڕەكێكی دیكەی هەولێر دابین دەكەین كە گرفتی كەمئاوییان هەیە.
حکومەتی هەرێمی کوردستان، لەڕێگەی بیر و هەرسێ پڕۆژەی ئیفرازی یەك و دوو و سێ، ئاوی پاك بۆ دانیشتووانی شاری هەولێر دابین دەكرێت، بەڵام هێشتا چەند گەڕەكێك گرفتی كەمئاوییان هەیە.
لە ئیستاشدا، لە پڕۆژەی بەنداوی گۆمەسپان، ئامادەكاریی بۆ ڕاكێشانی ئاوی پاك كراوە و پرۆسەی ڕاكێشانەكەش دوو ساڵ دەخایەنێت.
بەنداوی گۆمەسپان، گەورەترین بەنداوی پارێزگای هەولێر و سێیەمی سەر ئاستی هەرێمی كوردستانە، توانای گلدانەوەی 97 ملیۆن مەتر سێجا ئاوی هەیە.
Facebook Comments Box
