هەزار بیری ئاو لە هەولێر دادەخرێن

دوای ئەوەی مەسرور بارزانی بەردی بناغەی پرۆژەی فریاگوزاریی خێرای گەیاندنی ئاوی بۆ شاری هەلێر دانا، نزیکەی 1000 بیری ئاو لە هەولێر دادەخرێن.

رۆژی یەکشەممە 8-9-2024 سەرۆکوەزیران بارزانی بەردی بناغەی پرۆژەی فریاگوزاریی خێرای گەیاندنی ئاوی بۆ شاری هەلێر دانا، کە بە گوژمەی 470 ملیۆن دۆلار جێبەجێ دەکرێت، کە ئەم پرۆژەیە کێشەی کەمئاوی بۆ ماوەی 30 ساڵی دیکە لە هەولێر چارەسەر دەکات، کە لە ناحیەی کەورگۆسک لەسەر زێی گەورە دروست دەکرێت.

هێمن بایز، بەرێوەبەری پڕۆژەی فریاگوزاریی خێرای گەیاندنی ئاوی هەولێر رایگەیاند: لە دوای کۆتاییهاتنی پرۆژەکە سەدان بیری ئاو لە هەولێر دادەخرێن، کە ژمارەیان 1000 بیری ئاو دەبێت.

شایەنی باسە، داخستنی ئەم بیرانە و کارپێنەکردنییان هۆکارێکی سەرەکی دەبێت بۆ بەرزبوونەوەی ئاستی ئاوی ژێر زەوی.