دادوەری فیدراڵیی ئەمریکا لە واشنتن ئەو داوا و سکاڵایەی لە دژی مەسرور بارزانی و کەسوکارەکەی و هەر 63 کەسایەتی تۆمار کرابوو، بە تەواوی ڕەتکردەوە، بەهۆی بێ بنەمایی و ناڕاستی داواکان.
ڕۆژی چوارشەممە 2024/10/2 دادوەر ڕاندۆلف مۆس، دادوەری فیدراڵیی ئەمەریکا لە واشنتن، ئەو داوا و سکاڵایەی لە دژی مەسرور بارزانی، سەرۆکی حکوومەتی هەرێمی کوردستان و کەسوکارەکەی و هەر 63 کەسایەتی تۆمار کرابوو، بە تەواوی ڕەت کردەوە، بە هۆی بێبنەمایی و ناڕاستیی داواکان.
سکاڵاکاران لەلایەن کەسێکەوە سەرپەرشتی دەکرێن کە لە ئەڵمانیا لەلایەن دادگاوە سزای تاوانکاریی بەسەردا سەپێنراوە.
دادوەر مۆس لە دانیشتنی دادگادا، هۆشداریی دا کە ئەگەر سکاڵاکاران لە دروستکردنی تۆمەتی بێبنەما بەردەوام بن ئەوا بە توندترین شێوە سزا دەدرێن.
هەرەوەها لە دانیشتنەکەدا تیمی یاسایی نوێنەرایەتیی حکوومەتی هەرێمی کوردستان لە ئەمەریکا، جەختی لەوە کردەوە کە ئەم سکاڵایە شەڕێکی سیاسییە لە سەروبەندی هەڵبژاردنی پەرلەمانی هەرێمی کوردستاندا و خراپ بەکارهێنانی دادگایە بۆ مەبەستی سیاسی.
