رۆژی 7 ی تشرینی یەكەمی 2022، دوو ساڵ لەمەوبەر، لە كردەوەیەكی تیرۆریستی وەهاب هەڵەبجەیی و دارودەستەكەی، لە شاری هەولێر کردەوەیەکی تیرۆریستیان ئەنجامدا، دوای بۆمبڕێژكردنی ئۆتۆمبێلەكەی و تەقاندنەوەی، بەو هۆیەوە ئەفسەری باڵای دژە تیرۆر هاوكار جاف شەهید بوو و هاوسەر و دوو منداڵی و خوشكێكیشی لەگەڵیدا بریندار بوون .
زۆری پێنەچوو، ئەنجومەنی ئاسایشی هەرێمی كوردستان بە كواڵیتی بەرز ڤیدیۆ چۆنییەتی كردە تیرۆریستییەكەی لە هەولێر ئاشكرا كرد كە چەند ئەندامێكی دژەتیرۆری یەكێتی کە (تا ئێستە نەگیراون) دێنە هەولێر و عەقید هاوكار جاف تیرۆر دەكەن.
هەرچەندە دوو ساڵ تێپەڕبووە بەڵام تۆمەتبارانی سەرەكی تیرۆری عەقید هاوكار جاف لەلایەن سەرانی یەکێتییەکەی بافڵ تاڵەبانی لە سلێمانی داڵدە دراون و ئامادە نیە رادەستی یاسایان بکات.
Facebook Comments Box
