نزیکترین کەس لە عەلی خامنەیی، کوژرا

سوپای ئیسرائیل رایگەیاند، لە هێرشێکدا بۆ سەر تاران، سەرۆکی بارەگای ناوەندیی خاتەم ئەلئەنبیا، عەلی شادمانییان کوشتووە.

ئیسرائیل بەو جۆرە شادمانی ناساندووە کە “باڵاترین فەرماندەی سەربازیی” ئێران و “نزیکترین کەس” لە عەلی خامنەیی، رێبەری کۆماری ئیسلامیی ئێرانە.

ئێران هیچ لێدوانێکی دەستبەجێی لەبارەی رووداوەکەوە نەداوە.

شادمانی دوای ئەوە لەو پۆستە دانرا کە رۆژی هەینی ئیسرائیل فەرماندەی پێشووی هەمان بارەگا، غوڵام عەلی رەشیدی کوشت.