لە دەســــــــــــــت دۆســــــــــــــتی دوو ڕوو عەجــــــــــــــەب دڵــــــــــــــم تەنــــــــــــــگە
فــــــــــــــــیدای ئــــــــــــــــەو دوژمــــــــــــــنــەبم کـــــــــــــــە یــــــــــــــــەک ڕەنــگــــــــــــــــە
‘’مـەحـوی شاعیر’’
بۆ هەموو خەڵک روونبوەوە ئەو حیزبە بچوکانەی کە بەپارەی هەندێ لایەنی بەغداد و بەپشتیوانی لایەنی تری هەرێم دروستکراون، وەک بوکەڵە بەدەست ئەم لایەن و ئەولایەن بەکار دەهێنرێن ئامانجەکەی دیاربوو، بۆ سەپاندنی سیستمی مەرکەزیەت و لاواز کردنی هەرێمی کوردستان بە لێدان لە کاندیدەکانی پارتی بۆ پۆستە باڵاکانی عێراق.
هەموو لایەنەکانی عێراق و وڵاتانی جیرانیش دەزانن تەنها و تەنها پارتی دیموکراتی کوردستان لە بەغداد بەرگری لە مافە دەستورییەکانی هەرێم و شایستە داراییەکانی خەڵکی کوردستان و مافەکانی ناوچە کوردستانییەکانی دەرەوەی هەرێم دەکات، وەفدی پارتی بەفەرمی مەرجەکانی خۆی بە لایەنەکانی چوارچێوەی هەماهەنگی وتووه كه دەبێت مافە دەستورییەکانی هەرێم بچەسپێنرێت و جێ بەجێ بکرێت ..
ئەوەی شەوی رابردوو لە پەرلەمانی عێراق رویدا گەلە کۆمەکێی هەندێ لایەنی کوردە کە دەستەمۆی هەندێ لایەنی عێراقین بۆ دژایەتیکردنی پارتی کە یەکسانە بە دژایەتی کردنی گەلی کوردستان و هەرێمی کوردستان …
بەڵام مێژوو سەلماندویەتی ماڵباتی بارزانی و پارتی خوای گەورەو میللەت و چیاکانی کوردستانی لە پشتە ئیرادەی پارتی ئیرادەی میللەتێکی زوڵم لێکراوە بە هیچ زاڵمێک نەشکێنراوەو ناشکێنرێت … چاوەرێ بن
ڕێباز حەملان
