هه‌ر شه‌ش تۆمه‌تباری رووداوه‌كه‌ی مێردین كه تێیدا پێنج هاووڵاتیی دانیشتووی شاری دهۆك كوژران، ره‌وانه‌ی دادگا كران.
ئه‌مڕۆ دووشه‌ممه (23ـی كانوونی دووه‌م/یه‌نایه‌ری 2023) هه‌ر شه‌ش تۆمه‌تباره‌كه‌ی رووداوه‌كه‌ی مێردین كه تێیدا پێنج هاووڵاتی شاری دهۆك كوژران، ره‌وانه‌ی دادگای مێردین كران.
به‌گوێره‌ی زانیارییه‌كانی پ، یه‌كێك له‌و شه‌ش تۆمه‌تبارانه ژنه و پێش هه‌ر پێنج تۆمه‌تباره‌كه‌ی دیكه ره‌وانه‌ی دادگای مێردین كراوه.
ئەمە سەرەڕای ئەوەی، “دوو ئه‌گه‌ر بۆ به‌ڕێوه‌چوونی پڕۆسه‌ی دادگاییكردنه‌كه هه‌ن؛ یه‌كه‌میان، داواكاری گشتی مێردین وته له تۆمه‌تباران وه‌رده‌گڕێت و دواتر پڕۆه‌سه‌ی دادگاییكردنه‌كه به‌ڕێوه‌ده‌چێت. ئه‌گه‌ری دووه‌میشیان، به‌ڕێوه‌چوونی پڕۆسه‌ی دادگاییكردنه‌كه‌یه به‌شێوه‌یه‌كی راسته‌وخۆ به‌بێ وه‌رگرتنی وته له تۆمه‌تباران، چونكه پێشووتر هێزه ئه‌منییه‌كانی مێردین وته‌یان له‌و تۆمه‌تبارانه وه‌رگرتووه”.
میدیا مەگەزین
