بەرگریی شارستانیی هەڵەبجە رایگەیاند کچێکی تەمەن 12 ساڵ لە نەتەوەی عەرەب کەوتووەتە نێو ئاوی زەڵمەوە و خنکاوە.
گوتەبێژی بەرگریی شارستانیی هەڵەبجە گوتیشی، تەرمەکەیان دەرهێناوە و رەوانەی دادپزیشکی هەڵەبجەیان کردووە.
کچەکە ناوی “رەحیق فوئاد ساڵح”ـە. زانیار عومەر گوتی، لە بنەڕەتدا خێزانەکە خەڵکی پارێزگای ئەنبارن، بەڵام ئێستا نیشتەجێی سلێمانین و وەکو گەشتیار لەگەڵ خێزانەکەیدا چوونەتە سەیرانگەی زەڵم.
بەگوێرەی بەڕێوەبەرایەتیی گشتیی پۆلیسی هەرێمی کوردستان، ساڵی رابردوو 104 کەس لە هەرێمی کوردستان لە ئاودا خنکاون و 116 هاووڵاتیش لە خنکان رزگارکراون.
Facebook Comments Box
