لەماوەى دوو رۆژدا ئاسایشی هەرێم دەستگیرکردنى ١١ بازرگان و بەکارهێنەرانى ماددەى هۆشبەر رادەگەیەنێت.
ئەمرۆ پێنجشەممە دەزگای ئاسایشی هەرێم بڵاویکردەوە؛ هەشت بازرگان و بەکارهێنەرى ماددەى هۆشبەر دەستگیر کراون کە دانیشتوى ناوخۆ و دەرەوەى هەرێمى کوردستانن، لەکاتێکدا دوو رۆژ پێش ئیستاش سێ کەسی دیکە بەهەمان تاوان دەستگیرکراون.
ئاماژە بۆ ئەوەکراوە کە هەوڵەکانیان بۆ بنەبڕکردنى ئەو ماددانەى کە دەبنە هۆی زیانگەیاندن بە تاک و کۆمەڵگا و ئابوری وڵات بەردەوامە و هێزەکانی بەڕێوەبەرایەتی ئاسایشی راپەڕین توانیان گروپێکی بازرگان و بەکارهێنەری ماددەی هۆشبەر دەستگیربکەن کە دانیشتووی ناوخۆ و دەرەوەی هەرێمی کوردستانن.
ئەوەش ئاشکرا کراوە کە ئەم کەسانە لە ناوەڕاستى ئەم مانگە دەستگیر کراون و لەکانى دەستگیر کردنیشیاندا دەست بەسەر ماددەى کریستاڵ و ئامڕازەکانى بەکارهێنان و پێوانەکردنى ماددەى هۆشبەردا گیراوە.
