باندێکی بازرگانیکردن بە جەستەی مرۆڤ دەستگیر کرا
لە شاری بەغدا باندێکی بازرگانیکردن بە منداڵان، ژنان و جەستەی مرۆڤ دەستگیرکرا کە لە 3 ژن و پیاوێک پێکهاتووە.
ئاژانسی هەواڵگری و لێکۆڵینەوەی فیدراڵیی عێراق لە راگەیێندراوێکدا بڵاویکردەوە، دوای ئەوەی زانیاریی هەواڵگرییان بەدەست گەیشتووە سەبارەت بە باندێکی چوار کەسی کە لە 3 ژن و پیاوێک پێکهاتبوون و دۆخی خراپی منداڵان و ژنانیان دەقۆستەوە بۆ سواڵکردن و فرۆشتنی ئەندامانی جەستەیان، هەڵمەتەکەیان ئەنجامدا.
ئاژانسی هەواڵگری و لێکۆڵینەوەی فیدراڵی لە وەزارەتی ناوخۆی عێراق دەلێت: هێزەکانیان لە ئۆپەراسیۆنی ئەمنی بەردەوامن بۆ دۆزینەوەی باندەکانی تاوانی رێکخراو کە بازرگانی بە مرۆڤ و ئەندامانی مرۆڤ دەکەن و لەو چوارچێوەیەدا باندێکی مەترسیداریان هەڵوەشاندووەتەوە.
ئاماژە بەوەشکراوە دوای وەرگرتنی رەمەزاندیی دادوەر، تۆمەتبارەکان لەکاتی تاوانەکەدا دەستگیرکراون و پلانەکەیان پووچەڵکراوەتەوە
هەفتەی پێشووش باندێکی دیکەی ترسناک لە شاری بەسرە دەستگیر کران کە زۆرینەیان پاکستانی بوون.
