سعودیە ڕاوێژکارێکی سودانی رەوانەی عێراق کردەوە

کاربەدەستانی سعودییە ڕاوێژکارێکی محەمەد شایع سودانیان رەوانەی عێراق کردووەتەوە و ڕێگەیان نەداوە بۆ ئەوەى ڕێوڕەسمى حەجکردن بەجێ بگەیەنێت.

بەپێى هەواڵێکى ماڵپەری (فکرة)، کاربەدەستانی سعودییە حەیدەر بەرزنجیان رەوانەی عێراق کردووەتەوە و ڕێگەیان نەداوە بۆ ئەوەى ڕێوڕەسمى حەجکردن بەجێ بگەیەنێت، بەبێ ئەوەی هۆکاری رێگریی کردن لەو کەسایەتییە کوردە روونبکەنەوە.

حەیدەر بەرزنجی سیاسەتمەدارێکى کوردى و ڕاوێژکاری سەرۆک وەزیرانی عێراقە، وە کەسێکی نزیک لەچوارچێوەى هەماهەنگکارى شیعەکانە و زۆرجار لە میدیاکان دەردەکەوێت و بەرگری لە چوارچێوەی هەماهەنگی دەکات، بە مەبەستی ئەنجامدانی رێورەسمی حەج سەردانی سعودییە کردبوو بەڵام لەلایەن کاربەدەستانی ئەو شانشینە رێگری لێکراو گەڕێندرایەوە بۆ عێراق.