ئه‌مڕۆ پێنجشه‌ممه 2023/6/29 نێچيرڤان بارزانى، سه‌رۆكى هه‌رێمى كوردستان، به‌بۆنه‌ى جه‌ژنى پيرۆزى قوربانه‌وه، په‌يوه‌ندييه‌كى ته‌له‌فۆنى له ڕه‌جه‌ب ته‌ييب ئه‌ردۆغان سه‌ركۆمارى توركياوه پێگه‌يشت.
له په‌يوه‌ندييه ته‌له‌فۆنييه‌كه‌دا ئه‌ردۆغان پيرۆزباييى جه‌ژنى قوربانى له نێچيرڤان بارزانى كرد و هيواى سه‌ركه‌وتنى بۆ به‌ڕێزيان خواست، هه‌روه‌ها لەو‌ڕێگه‌یەوە پيرۆزبايى و هيواى سه‌ركه‌وتنى پێشكه‌ش به هه‌رێمى كوردستان كرد.
لاى خۆيه‌وه نێچيرڤان بارزانى، وێڕاى سوپاسگوزارى بۆ په‌يوه‌ندى و پيرۆزباييى ئه‌ردۆغان، پيرۆزبايى جه‌ژنى له گه‌لى توركيا كرد و هيواى سه‌ركه‌وتنى بۆ خواستن.
هه‌ردوولا هيوايان خواست جه‌ژن له‌گه‌ڵ خۆيدا خێر و خۆشى و ئاسوووده‌يى بۆ هه‌موو لايه‌ك بهێنێت، هه‌روه‌ها بره‌ودان به هاريكاريى هاوبه‌ش و په‌يوه‌ندييه‌كانى توركيا له‌گه‌ڵ عێراق و هه‌رێمى كوردستان، ته‌وه‌رێكى ديكه‌ى په‌يوه‌نديى ته‌له‌فۆنيى نێوانيان بوو.
