دەزگای ئاسایشی هەرێمی کوردستان بڵاویکردەوە گروپێکی چەکداری نایاساییان لە کەلار دەستگیرکردووە کە ناویان لە خۆیان نابوو “فەوجە خۆبەخشەکانی گەرمیان”
لە ڕاگەیەندراوەکەی دەزگای ئاسایشدا هاتووە کە لە ئەنجامی ڕووبەڕووبوونەوەی هێزەکانی ئاسایش و ئەو گروپە چەکدارییە، ئەندامێکی گروپەکە کوژراوە و دوو ئەندامی تریان بریندار بوون، هاوکات دوو کارمەندی هێزەکانی ئاسایش بریندار بوون.
هەر لە ڕاگەیەندراوەکەدا هاتووە کە ئەو گروپە بووبوونە هۆی پشێوی و نائارامی لە ناوچەکەدا و هەستاون بە خۆنمایشکردن و وەرگرتنی سەرانە و هەڕەشەکردن و تەقەکردن و تۆقاندنی هاوڵاتییان.
Facebook Comments Box
