دووبارە پلەکانی گەرما بەرز دەبێتەوە

بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان، پێشبینییەکانی کەشوهەوای بۆ دوو رۆژ راگەیاند.

بەپێی پێشبینییەکان، ئەمڕۆ پێنجشەممە ئاسمان ساماڵ دەبێت، پلەی گەرما بەرزتر دەبێت لە تۆمارەکانى دوێنێ بە نزیکەی 1 تــــا 2 پلە.

سەبارەت بە کەشوهەوای سبەی هەینی، کەشناسی پێشبینی کردووە، سبەی ئاسمان ساماڵ دەبێت، پلەى گەرما نزیک دەبێتەوە لە تۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:
هەولێر: 45 پلەى سیلیزى
سلێمانی: 42 پلەى سیلیزى
دهۆک: 44 پلەى سیلیزى
کەرکووک:  46 پلەى سیلیزى
هەڵەبجە: 45 پلەى سیلیزى
حاجی ئۆمەران : 30 پلەى سیلیزى
زاخۆ:  45 پلەى سیلیزى
سۆران :  42 پلەى سیلیزى
گەرمیان:  47 پلەى سیلیزى