مه‌ترسیدارترین بازرگانی مادده‌ی هۆشبه‌ر له پارێزگایەکی هەرێم ده‌ستگیركرا
بە هەماهەنگی لەگەل به‌ڕێوه‌به‌رایه‌تی رووبه‌ڕووبوونه‌وه‌ی مادده هۆشبه‌ره‌كان له هه‌ولێر توانرا لە دهۆک مەترسیدارترین بازرگانی ماددە هۆشبەرەکان دەسگیر بکەن.
له راگه‌یه‌ندراوێكدا دادگای لێكۆڵینه‌وه‌ی كه‌رخ له به‌غدا ئاشكرایكرد، به هه‌ماهه‌نگی و زانیاری هه‌واڵگری به‌هێز له‌گه‌ڵ هێزه‌كانی به‌ڕێوه‌به‌رایه‌تی رووبه‌ڕووبوونه‌وه‌ی مادده هۆشبه‌ره‌كان له هه‌ولێر، هێزێكی سه‌ر به به‌ڕێوه‌به‌رایه‌تی كاروباری مادده هۆشبه‌ره‌كان توانییان مه‌ترسیدارترین بازرگانی مادده هۆشبه‌ره‌كان له شاری دهۆك ده‌ستگیر بكه‌ن و ده‌ستیش به‌سه‌ر زیاتر له 370 كیلۆگرام له مادده‌كانی كیپتاگۆن و ئه‌فیۆندا بگرن.
له راگه‌یه‌ندراوه‌كه‌ی دادگای كه‌رخدا هاتووه، رێككاری یاسایی به‌رامبه‌ر تۆمه‌تباره‌كه گیراونه‌ته‌به‌ر و دۆسییه‌كه‌ی ره‌وانه‌ی به‌رده‌م دادگای كه‌رخ كراوه، كه تایبه‌ته به مادده‌ی هۆشبه‌ر.
