وادەیەكی نوێ بۆ ئەنجامدانی سەرژمێری دانیشتوان لە عێراق دیاریكرا

رۆژی 20ی تشرینی دووەمی 2024 بووە، وەك وادەیەكی سەرەتایی بۆ ئەنجامدانی سەرژمێری دانیشتوانی عێراق دیاریکراوە.

زیاد عەواد كازم، سەرۆكی دەستەی ناوەندی ئامار رایگەیاند: مانگی رابردوو دەستەكەیان كۆبوونەوەیەكیان بە سەرپەرشتی وەزیری پلاندانان ئەنجامداوە و یەكێك لە گرنگترین بڕیارەكانیش كە دراوە، دیاریكردنی رۆژی 20ی تشرینی دووەمی 2024 بووە، وەك  وادەیەكی سەرەتایی بۆ ئەنجامدانی سەرژمێری دانیشتوان.

گوتیشی: ئەمساڵ بڕی 100 ملیار دینار بەمەبەستی جێبەجێكردنی پێداویستییەكانی ژێرخانی و دامەزراندنی سەنتەرێكی داتا تەرخان كرا.