مەسرور بارزانی پێشوازیی لە سەرۆک هۆزی شەممەڕ دەکات

ئەمڕۆ چوارشەممە 16/8/2023، مەسرور بارزانی، سەرۆکی حکوومەتی هەرێمی کوردستان، پێشوازیی لە شێخ مانع حمێدی دەهام ئەلهادی، سەرۆک هۆزی شەممەڕ کرد.

لە دیدارەکەدا کە شێخ حەمموود حمێدی دەهام ئەلهادی ئامادەی بوو، گفتوگۆ لەبارەی پەیوەندیی دۆستانەی نێوان هۆزی شەممەڕ و گەلی کورد کرا و جەخت لە پەرەپێدانی ئەو پەیوەندییانە و پتەوکردنی دۆستایەتی نێوان پێکهاتە جیاوازەکانی ناوچە کرا.