گۆڕانکارییە گەورەکە
ئەگەر کار و پڕۆژەکانی کاک مەسرور بە نیەتی بانگەشەی هەڵبژاردنیش بێت، خەڵک ئەو بانگەشەیەی خۆش دەوێت، حەزمان دەکرد ساڵانە 6 مانگ لەناو بانگەشەی لەمجۆرە بین، تەنها ئەمڕۆ 29 قوتابخانە و باخچەی ساوایانی کردەوە…
بانگەشەیەک، شارم بۆ ڕووناکتر و پاکتر و قوتابخانە و نەخۆشخانەم بۆ زیاتر بکات، پێشوازی لێدەکەم.
دووساید کردن و قیڕ کردنی سەدان کیلۆمەتر و دروستکردنی 80 پۆندی گڵدانەوەی ئاو و کارەبای 24 کاتژمێری… پێشوازی لێدەکەم.
کوردستانێک کە تەنها سەدا %5ـی خەڵکەکەی دەیانزانی سیستەمی بانکی و کارپێکردنی چییە و ئێستا خەڵکی ئاسایی و مووچەخۆر ئەلیکتڕۆنین!
ساڵانێک هەزاران ڕووداوی هاتووچۆ و سەدان گیانلەدەستدان بەم ڕووداوە، ئێستا سەدا 60%ـی کەمتر!
لە نەبوونی ئاو و بەفیڕۆدانی، سەرگەردان بووبووین، بە 9 بەنداوی گەورە و دەیان پۆند ئاوی کوردستانی گڵداوە، گەڕەکەکان لەبێ ئاوی ڕزگارکران و جۆگەکانیش ئاوی پاکی پێداهاتن.
لە ژینگەیەکی نا تەندروست و هەبوونی ئاسمانێکی ڕەش، هەزاران مۆلیدەی کوژێندرانەوە و ملیۆنان دار چێندران!
هەرچەندە ئەوانەی وتم بەشێکی کەمن لەو گۆڕانکاریە گەورەیە، بەڵام کاریگەییەکی وایان دروستکردوە کە ئێستا هیچ کەسێک ناتوانێت لەسەردەمی شەش ساڵ پێش ئێستا بژیت.
محەمەد کوردی
