گەڕی دووەمی دیالۆگی نیشتمانی عێڕاق دەستیپێکرد
بەسەر پەرشتی مەستەفا کازمی سەرۆکوەزیرانی عێڕاق، گەڕی دووەمی دیالۆگی نیشتمانی نێوان هێز و لایەنە سیاسسیەکانی عێڕاق لە بەغدا دەستی بەکارەکانی کرد. “ئازانسی هەواڵی عێڕاقی” لە نووسینگەی سەرۆکوەزیرانی گواستۆتەوە، لەسەر داوای مستەفا کازمی دیالۆگی نیشتمانی عێڕاقی نێوان هێز و لایەنە سیاسسیەکانی عێڕاق ئەنجامدراوە.
ئەمڕۆ دووشەممە ( ٥ی ئەیلوولی ٢٠٢٢)، بەسەرپەرشتی مەستەفا کازمی سەرۆکوەزیرانی عێڕاق بۆ چارەسەری قەیران و پڕۆسەی پێکهێنانی حکوومەتی عێڕاق بە دیالۆگ.لایەنە سیاسسیەکانی عێراق بۆ جاری دووەم کۆبوونەوە.
باڕبرا لیڤ یاریدەدەری وەزیری دەرەوەی ووڵاتە یەکگرتووەکانی ئەمریکا بۆ کاروباری ڕۆژهەڵاتی ناوەڕاست، بە ئاژانسی هەواڵی عیڕاقی- INA” ڕاگەیاندووە ” یدارەی ئەمریکا لە نزیکەوە بەدواداچوون بۆ رووداوە سیاسیەکانی عێراق دەکات، هاوکات ئاماژەی بەوەدا کە دەنگی “موقتەدا سەدر” ڕێبەری ڕەوتی سەدر و سەرکردەکانی دیکە دەبێ ببیسترێت”
محەممەد حەلبووسی سەرۆکی ئەنجوومەنی نوێنەرانی عێڕاق، (٣ی ئەیلووی ٢٠٢٢) بە ١٠ خاڵ داوای چارەسەر کیشەکانی عێڕاقی کردووە و هەروەها داودەکات بە گفتووگۆ کێشەکانی حکوومەتی هەرێمی کوردستان و حکوومەتی فیدڕالی عێڕاق چارەسەر بكرێن.
دوای هەڵبژاردنەکانی ٢٠٢١ی ئەنجوومەنی نوێنەرانی عێڕاق، بە هۆی ناکۆکییەکانی نێوان “ڕەوتی سەدر” و ” چوارچێوەی هەماهەنگی” شیعەکان، نەیانتوانی حکوومەتی پیکبهێن و بەمەش عێڕاق کەتە نائارمی و لایەنگرانی مووقتەدا سەدر چوونە ناوچەی سەوزی بەغدا و باڵەخانەی پەڕلەمانی عێڕاقیان دەستبەسەرداگرت.
لە دواین گرژییەکانی لاینگرانی سەدر و چەکدارانی حەشدی شەعبی، ٣٠ کەس کووژران زیاتر لە سێ سەد کەس برینداربوون.
