عێڕاق چاوەڕێی دادگای باڵای فیدڕاڵی دەکات
ئەمڕۆ چوارشەممە ڕێککەوتی ٧ی ئەلوولی ٢٠٢٢، بڕیارە دادگای باڵای فیدڕاڵی عێڕاق بۆ هەڵوەشاندنەوەی ئەنجوومەنی نوێنەران و دیاریکردنی وادەی هەڵبژاردی پێشوەخت، کۆببێتەوە و بڕیاری خۆی بدات. ئەمەش دوای ئەوەی چوارجار لە دواخستنی، ئەمڕۆ دوا وادە دەبێت.
دوای ئەوەی، هاوپەیمانی ڕزگاری نیشتمانی کە پێکهاتبوون لە: ” ڕەوتی سەدر” و پارتی دیموکراتی کوردستان و ” هاوپەیمانی سەروەری” کە خەمیس خەنجەر سەرکردایەتی دەکات و” هاوپەیمانییەتەکەی محەممەد حەلبووسی سەرۆکی ئێستای پەڕلەمانی عێڕاق، نەیان توانی سەرۆککۆمار هەڵبژێرن و حکومەتی نوێی عێڕاق پێکبهێنن. موقتەدا سەدر داوای یاسایی لە هەر یەک لە سەرۆککۆمار، سەرۆکی ئەنجوومەنی وەزیران و سەرۆکی ئەنجوومەنی نوێنەرانی عێڕاق لەو دادگایە تۆمارکرد و داوای هەڵوەشاندنەوەی پەڕلەمان و هەڵبژاردنی پێشوەختەی کرد.
دوای ئەوەی، دادگای فیدڕاڵی چوار جار دواخستن، ئەمڕۆ دوا وادەی بڕیاردان دەبیت بۆ ئەم دۆسییە.
