ڕاگەیەنراوێک لە وەزارەتی داراییەوە سەبارەت بە مووچە
وەزارەتی دارایی و ئابووریی هەرێمی کوردستان ڕاگەیێنراوێک لەبارەی مووچە بڵاودەکاتەوە و ڕایدەگەیێنێت، تەواوی پارەی مووچە لەلایەن بەغدا خراوەتە سەر هەژماری بانکی هەرێمی کوردستان. دڵنیاییش بە مووچەخۆران دەدات پێش جەژنی ڕەمەزان سەرجەمیان مووچە وەردەگرن.
دەقی ڕاگەیێنراوەکە:
تەواوی تەمویلی مووچەی مانگی ئازار خرایە هەژماری بانکی وەزارەتی دارایی.
کەمێک لەمەوبەر دواین گوژمەی مووچەی مانگی ئازاز کە بڕەکەی ( ٣٩٠ ) ملیار دینار بوو لەلایەن وەزارەتی دارایی حکومەتی فیدراڵەوە خرایە سەر هەژماری بانکی وەزارەتی دارایی و ئابوری لە لقی هەولێری بانکی ناوەندی عێراق.
سەرجەم فەرمانبەران و مووچەخۆرانی شارستانی و سەربازی دڵنیا دەکەینەوە کە پێش جەژن سەرجەمیان مووچەکانیان وەردەگرن بە پێی ئەو خشتەی مووچەیەی لەلایەن وەزارەتمانەوە ڕاگەیەنراوە.
ڕاگەیاندنی وەزارەتی دارایی و ئابوری. ٢٠٢٤/٤/٧
