ئێران هۆشداری دەداتە یەکێتی
ئێران هۆشداری دەداتە یەکێتی و دەڵێت، هەڵبژاردنی کوردستان بەبێ پارتی ناکرێت.
بەگوێرەی زانیاریەکانی میدیا مەگەزین، شاندێکی کۆماری ئیسلامی سەردانی سلێمانییان کردووە و ڕاستەوخۆ بە بافڵ تاڵەبانییان گوتووە “پێویستە هەڵبژاردن دوا بخرێت و بەبێ پارتی دیموکراتی کوردستان هەڵبژاردن ناکرێت”.
لەمبارەیەوە، یەکێتیی نیگەرانی خۆی لە ڕاسپاردەی شاندەکەی ئێران دەربڕیوە، بۆیەش ئەمڕۆ بە پەلە کۆبوونەوەی مەکتەبی سیاسی كراوە و بەم زووانە ڕاگەیێنراوێك بڵاو دەکاتەوە.
شاندەکەی ئێران ئەوەشی بە یەکێتی نیشتیمانیی گوتووە” پارتی هێزێکی سەرەکی هەرێمی کوردستان و عێراقە و نابێت بێ ئەو پارتە هەڵبژاردن بکرێت”.
هەر ئەمرۆش چوارشەممە، وەزارەتی دەرەوەی ئەمریکا رایگەیاند: رێککەوتنی لایەنە سیاسییەکان لەبارەی هەڵبژاردنی هەرێمی کوردستان “گرنگە”، بۆیە دژی دواخستنی نین.
ئەمەش لەکاتێکدایە، پارتی و پێكهاتەكان نیگەرانن لە شێوازی بەڕێوەچوونی هەڵبژاردن و تێبینییان هەیە، بەوهۆیەوە هەڵبژاردن دواخراوە و تەنیا ماوەتەوە کە سەرۆکایەتیی هەرێم مەرسوومی هەرێمی بۆ دەرکات.
