ژنێکی کورد تەمەنی گەشتە 136 ساڵ
ژنێکی کورد کە لە دهۆک دادەنیشێت تەمەنی ١٣٦ ساڵە و بەمەش ئەو ژنە ریکۆردی جیهانی گینسی تێپەڕاندووە، کە ژنێکی فەرەنسییە و تەمەنی ١١٨ ساڵە.
ژنێکی کورد بەناوی رەوشێ قاسم کە لە ناوچەی باعەدرێ لە قەزای شێخان دادەنیشێت، تەمەنی ١٣٦ ساڵە و لە دوای ئاوارەبوونی ئێزیدییەکان چووەتە پارێزگای دهۆک.
لە هەمان کاتدا تەندروستی باشە و ئەوەی سەرنجڕاکێشە ئەوەیە تاوەکو ئێستا تاڵەکانی قژی بە رەشی ماونەتەوە.
رەوشێ چیرۆک و بەسەرهاتەکانی جەنگ و ئاوارەیی و ماڵوێرانیەکانی سەردەمی دەوڵەتی عوسمانی و سەردەمی پاشایەتی عێراق و سیستمی کۆماری و هەموو شەڕ و نەهامەتیەکانی دیکەی لەبیر نەچووەتەوە.
ئەو ژنە بەتەمەنە تاوەکو ئێستا رۆژانە هێلکە و شیر و میوەکان دەخوات و گۆشتی ماسیش یەکێکە لە ژەمە سەرەکیەکانی.
خانەوادەی ئەو ژنە باس لەوەدەکەن، ئامادەکاری دەکەن تاوەکو رۆشی ناوی بچێتە کتێبی گینسەوە و وەک بەتەمەنترین ژن ناوی تۆمار بکرێت.
ئەمەش لە کاتێکدایە، تۆماری بەتەمەنترین ژنی جیهان لای ژنێکی فەڕەنسییە کا ناوی لوسیان راندۆنە و تەمەنی ١١٨ ساڵ و ٧٣ رۆژە و لە مانگی ٤ـی ساڵی رابردوودا ریکۆردەکەی شکاندووە.
میدیا مەگەزین
