كلیچدارئۆغڵو: دەنگەكانمان لەژێر پیلاندان

كەمال كلیچدارئۆغڵو، بەربژێری هاوپەیمانیی میللەت، لە تازەترین هەڵوێستیدا كە لە تویتەر بڵاوی كردووەتەوە، دەڵێت، دەنگی 60% بووە، بەڵام بەهۆی پیلانێكەوە هاتووەتە ژێر 50%، بۆیە داوا دەكات لەسەر سندوقی دەنگدان بمێننەوە و چۆڵی نەكەن.

كلیچدارئۆغلو دەڵێت: “داوا لەو كەسانە دەكەم كە لەسەر سندوقی دەنگدان چاودێرن، تكایە سندوق بەجێمەهێڵن، چونكە دەنگی ئێمە لە ژێر پیلانێكدایە. گەلی من ئەمشەو ناخەوین، هەروەها هۆشداریش دەدەمە كۆمیسیۆنی باڵای هەڵبژاردنەكان، ناچارن پاراستنی سندوقەكان بكەن.”