لەسنوری کەرکوک پۆلیس گەنجێکی 15 ساڵان دەکوژن

لە ناحیەی شوانی سنووری کەرکووک، گەنجێکی تەمەن 15 ساڵان بە تەقەی پۆلیس کوژرا.

عەمید شوان شوانی، بەڕێوەبەری بنکەی پۆلیسی شوان گوتی: “ئاگادار کراینەوە کە دوو کەس هەن پاتری و کەرەستەی تریان دزیوە، هەروەها مەفرەزەکانمان ویستوویانە دەستگیریان بکەن، بەڵام ئەوان هەوڵیانداوە هەڵبێن، پۆلیسیش تەقەی لێکردون و یەکێکیان گیانی لەدەستداوە”.

سەبارەت بەو پۆلیسەی تەقەکەی کردوە، عەمید شوان گوتی: “ئەو پۆلیسە دەستگیرکراوە کە تەقەی کردووە و لێکۆڵینەوەش لە رووداوەکە بەردەوامە”.

گەنجە کوژراوەکە ناوی (ئەمجەد عامر سالم)ـە و ماتۆڕسکیلێکی چوار تایەی پێبووە، بەپێی گوتەی خێزانی قوربانییەکە، خەریکی کۆکردنەوەی پاشماوەی پلاستیکی بووە،و هیچ پەیوەندی بەدزیکردنەوە نەبووە.