لە سنوری پارێزگای دهۆک، ئاسنی 10 تاوەری كارەبا دەدزرێن.
ئەمڕۆ هەینی وەزارەتی کارەبای حکوومەتی هەرێمی کوردستان بڵاوی کردەوە، تیمەکانی کارەبا لە قەزای شێخانی سنووری پارێزگای دهۆک لە کاتی پشکنینی تۆڕ و تاوەرەکانی کارەبا بۆ ئامادەکارییەکانی وەرزی زستان، بۆیان دەركەوتووە ژمارەیەکی زۆری ئاسنەکانی تاوەرەکانی کارەبا دزراون.
بەپێی ڕاگەیەندراوەکە، لە نزیک گوندەکانی جالیدۆک و زیناڤا ژووری لە ناحیەی قەسرۆک، 400 پارچە ئاسنی 10 تاوەری کارەبای هێڵی 132 کەی ڤیی (ئاکرێ-باعەدرێ) لێ کراونەتەوە و مەترسی لەسەر تۆڕی کارەبای ناوچەکە و گیانی هاووڵاتییان دروست بووە.
کارەبای دهۆک داوای لە لایەنەکانی پەیوەندیدار کردووە بەدواداچوون بۆ ئەم پرسە بکەن و بە زووترین کات ئەنجامدەرانی رادەستی دادگا بکرێن.
Facebook Comments Box
