سەدان تۆنی دیکە پەتاتەی کوردستان هەناردەی دەرەوە دەکرێت

یەکێک لە گرنگترین هەنگاوەکانی کابینەی نۆیەمی حکوومەتی هەرێمی کوردستان بۆ ساخکردنەوەی بەرهەمی جوتیاران لە بازاڕە جیهانییەکاندا، هەناردەکردنی بەرهەمی جووتیارانی هەرێمی کوردستان بووە بۆ وڵاتانی جیهان.

ئەمڕۆ یەکشەممە 22ـی 10ـی 2023 یەکێتیی هاوردە و ناردنکارانی هەرێمی کوردستان لقی هەولێر ڕایگەیاند: بڕیارە سبەی دووشەممە دووەم کاروانی پەتاتەی کوردستان بە بڕی (100 تۆن) هەناردەی وڵاتی سعوودییە بکرێت.

یەکێتیی هاوردە و ناردنکارانی هەرێمی کوردستان لقی هەولێر ئاماژەی بەوەش داوە کە ئەمەش لە چوارچێوەی ئەو ڕێککەوتنەی نێوان کۆمپانیایەکی هەرێمی کوردستان و وڵاتی سعوودییە بۆ دابینکردنی بڕی (3 هەزار تۆن) بەرهەمی پەتاتە.