سوپای ئیسرائیل ئاماری سەربازە کوژراوەکانی ئاشکرا دەکات

سوپای ئیسرائیل ڕایگەیاند، تاوەکو ئیستا 345 سەربازمان لەشەری ڕووبەڕووبوونەوەمان لەگەڵ حەماس، کوژراون.

لە راگەیەنراوێکدا سوپای ئیسرائیل ئاشکرای کرد، “لەگەڵ ئەوەی هێرشی ئاسمانی و زەمینی ئیسرائیل بۆ سەر حەماس لە کەرتی غەززە، بە چڕی بەردەوامە، دوێنێ 4/11/2023، چوار سەربازمان کوژرا، بەمەش کۆی ژمارەی سەربازە کوژراوەکان لەو شەڕەدا گەیشتە 345.

لەلایەکی دیکەوە سوپای ئیسرائیل لە هەژماری خۆی لەسەر پلاتفۆرمی ئێکس “تویتەری پێشوو” کورتە ڤیدیۆییەکی بڵاوکردەوە و نووسیویەتی: “حەماس رێگری دەکات لە گەیشتن بە خەڵکی مەدەنی لە باشووری غەززە، بەڵام خۆی لە ناو تونێلی ئاڵۆزدا حەشار دەدات”.