سەرۆکێکی نوێ بۆ پەرلەمانی عێراق هەڵدەبژێردرێت

وابڕیارە لەم هەفتەیە، پەرلەمانی عێراق دانیشتنی نائاسایی ئەنجام بدات و سەرۆکی پەرلەمان هەڵبژێردرێت.

رۆژی چوارشەممە ٢٢ ی ١١ ئەنجومەنی نوێنەرانی عیراق دانیشتنی نائاسایی ئەنجام ئەدات و لە بڕگەی یەکەمدا، دەرگای خۆپاڵاوتن بۆ پۆستی سەرۆکی پەرلەمان ئەکاتەوە.

لەبڕگەی دووەمدا دەنگ لەسەرهەمواری یاسای کۆمیسیۆنی هەڵبژاردنەکانی عێراق دەدات و تەمەنی ئەنجومەنی کۆمیسیاران بۆ شەش مانگ درێژ دەکاتەوە بۆ ئەوەی سەرپەرشتی هەڵبژاردنی ئەنجومەنی پارێزگاکانی عێراق و هەڵبژاردنی پەرلەمانی کوردستان بکات.