رۆژهه‌لاتی ناوه‌راستکوردستانگرنگ
مەسعود بارزانی پێشوازی لە مەترانی ڕۆمی ئەرتەدۆکس لە بەغدا و کوەیت و سەڵتەنەتی عومان دەکات
ڕۆژی سێشەممە 28ی تشرینی دووەمی 2023 لە سەلاحەددین مەسعود بارزانی پێشوازی لە مەتران غەتاس هەزیم مەترانی ڕۆمی ئەرتەدۆکس لە بەغدا و کوەیت و سەڵتەنەتی عومان کرد.
لە دیدارەکەدا مەتران غەتاس هەزیم سوپاسی هەوڵەکانی مەسعود بارزانی بۆ پاراستنی پێکهاتەکان کرد و پێزانینی بۆ گەلی کوردستان هەبوو کە لە ڕۆژانی تەنگانەدا دەرگەیان بەسەر دەیانهەزار ئاوارەی کریستیان کردەوە.
هەر لەو دیدارەدا کێشە و ئاستەنگەکانی بەردەم کریستیانەکانی عێراق و ناوچەکە باس کران و سەرۆک بارزانی جەختی لە پابەندبوونی گەلی کوردستان بە فەرهەنگی تەبایی و پێکەوەژیانی نێوان پێکهاتەکان کردەوە.
Facebook Comments Box
