ئێوارەی ئەمڕۆ شەممە 12/2 مەسرور بارزانی سەرۆکی حکومەتی هەرێمی کوردستان ، لە دوبەی ، لەگەڵ شێخ سەیف بن زاید ئال نەهیان جێگری سەرۆک وەزیران و وەزیری ناوخۆی ئیمارات کۆبووەوە .
لە کۆبوونەوەکەدا سەرۆکی حکومەت بە بۆنەی ڕۆژی نیشتمانیی ئیماراتەوە پیرۆزبایی ئاراستەی سەرکردایەتیی و خەڵکی ئیمارات کرد و سوپاسی پشتیوانیی بەردەوامی دەوڵەتی ئیماراتی لە هەرێمی کوردستان کرد.
جێگری سەرۆک وەزیران و وەزیری ناوخۆی ئیمارات، ئاماژەی بە پەیوەندی تایبەتی نێوان هەرێمی کوردستان و ئیمارات کرد و جەختی لە گرنگیی پێگەی هەرێمی کوردستان کرد وەک نموونەیەکی گەش و درەوشاوە لە عێراق و ناوچەکەدا.
دوایین گۆڕانکارییەکانی دۆخی گشتی عێراق و پەرەپێدانی پەیوەندییەکانی هەرێمی کوردستان و ئیمارات لە بوارە جۆراوجۆرەکاندا، بەشێکی دیکەی گفتوگۆکان بوو .
Facebook Comments Box
