ئەمەریکا سەدان ملیار دۆلار بۆ وەزارەتی بەرگری تەرخان دەکات

ئەمڕۆ، کۆنگرێسی ئه‌مەریكا، ڕه‌شنوسی بودجه‌ی وەزارەتی به‌رگری وڵاته‌كه‌ی بۆ ساڵی 2024 په‌سه‌ند كرد، کەپێکهاتوە لە 883.7 ملیار دۆلاره‌.

له‌دانیشتنی ئه‌مڕۆی ئه‌نجومه‌نی نوێنه‌رانی ئه‌مریكادا، بەدەنگی بەڵێی 192 ئەندام و نەخێری 118 ئەندام، بودجه‌ی وەزارەتی به‌رگری ئه‌مەریكا بۆ ساڵی 2024 په‌سه‌ندكرا.

دوای پەسەندکردنی ره‌شنوسی پڕۆژەی بودجەی بەرگری ئەمەریکا، ڕەشنوسەکە ڕەوانەی كۆشكی سپی کرا، به‌مه‌به‌ستی واژۆكردنی پڕۆژەکە له‌لایه‌ن جۆ بایدنی سەرۆکی ئەمەریکاوە.