فڕۆکەی بێفڕۆکەوانی تورکیا دوو ئۆتۆمبێلی چەکدارانی پەکەکەی بۆردومان کرد

لە سنووری قەزای ئامێدی فڕۆکەی بێفڕۆکەوانی سوپای تورکیا دوو ئۆتۆمبێلی پڕ لە چەک و تەقەمەنیی چەکدارانی پەکەکەی بۆردومانکرد.

بەگوێرەی زانیارییەکانی دژەتیرۆری کوردستان، ئەمڕۆ هەینی 12ی کانوونی دووەمی 2024، کاتژمێر 13:20، لە ئاکامی بۆردومانی فڕۆکەی بێفڕۆکەوانی سوپای تورکیا بۆ سەر گرووپێکی چەکدارانی پەکەکە لە دەڤەری بەرگارە لە نزیک گوندی دێرەش لە ناحیەی دێرەلووکی سەر بە قەزای ئامێدی لە پارێزگای دهۆک، دوو ئۆتۆمبێلی پڕ لە چەک و تەقەمەنیی چەکدارانی پەکەکە سووتان و دوو چەکداریش بریندار بوون.