سێ رۆژ ماتەمینی گشتیى له هه‌ولێر ڕادەگەیەندرێت
ئومێد خۆشناو پارێزگاری هەولێر، لە بڵاوکراوەیەکدا ڕایگەیاند، لە مرۆوە بۆ ماوەی سێ رۆژ ماتەمینی گشتی لە هەولێر ڕادەگەیەندرێت.
ئەمەش دەقی ڕاگەیەنراوەکەی پارێزگاری هەولێر:
بەهۆی ئەو پەلامار و موشەکبارانە ناڕەوایەى هێزەکانی کۆماری ئیسلامیی ئێران کە شەوی ڕابردوو کرایە سەر شارەکەمان و لە ئەنجامدا بەداخێکی زۆرەوە چوار هاووڵاتیی سڤیل شەهیدبوون و شەش هاوڵاتى دیکەش بریندار بوون، پرسەو سەرەخۆشی خۆمان ئاڕاستەی بنەماڵەی شەهیدان دەکەین و لە خودای گەورە داواکارین شەهیدانى ئەو پەلامارە تیرۆرستییە بە بەهەشتى بەرین شاد بکات و هیوای زوو چاکبوونەوەی بریندارەکان بدات.
جارێکى تر وێڕاى ئەوەى بە توندی ئیدانە و شەرمەزاری ئەو پەلامار و هێرشە ناڕەوا و زاڵمانەیە دەکەین، کە بەبێ هیچ پاساو و بنەمایەک خەڵكی سڤیل و بێتاوانى کردە ئامانج، لە سنوورى پارێزگاى هەولێر لە ئەمڕۆوە بۆ ماوەى 3 رۆژ ماتەمینی گشتیى ڕادەگەێنین.
ئومێد خۆشناو
پارێزگارى هەولێر
2024.1.16
