ژمارەی کوژراوانی فەڵەستینی بەھۆی ھێرشەکانی ئیسرائیلەوە بەرزبووەوە

ژمارەی کوژراوانی فەڵەستینی کە لە 7ی تشرینی یەکەمی2023وە تا ئێستا، بەھۆی ھێرشەکانی ئیسرائیلەوە گەیشتە 28 ھەزار و 64 کەس.

بەپێی ڕاگەیاندراوێکی وەزارەتی تەندروستیی غەززە، لە 24 کاتژمێری ڕابردوودا، سوپای ئیسرائیل، 16 کۆمەڵکوژی دژبە فەڵەستییەکان لە کەرتی غەززە ئەنجامداوە و لە ئاکامدا، 117 کەس کوژراون و 152ی دیکەش برینداربوون.

ئاماژەی بەوەشداوە، ژمارەی ئەو فەڵەستینیانەی کە لە 7ی تشرینی یەکەمی2023وە تا ئێستا لە ئاکامی ھێرشەکانی ئیسرائیل بۆ سەر کەرتی غەززە کوژراون، بەرزبووەتەوە بۆ 28 ھەزار و64 کەس و ژمارەی بریندارەکانیش گەیشتووەتە 67ھەزار و 611 کەس.