گروپێکی نەتەوەپەرستی تورک سووتاندنی بازاڕی لەنگەی لە ئەستۆ دەگرێ

دوای سووتانی بازاری لەنگە و هەبوونی ڕای جیاواز لەسەر سووتاندی، گروپێکی نەتەوەپەرستی تورکی بە ناوی تەشکیلاتی عەهدی میللی تورکی، بەرپرسیاریەتی خۆیان لە سووتاندی بازاڕی لەنگەی هەولێر راگەیاند و دەڵێن: “دوای ئەنجامدانی ئەو کارە ئاهەنگ دەگێرین”.

ئەمڕۆ چوارشەممە، گروپەی تەشکیلاتی عەهدی میللی لە ماڵپەری فەرمی خۆیان لە راگەیەندراوێکدا بڵاویان کردەوە، ئەوان بازاری لەنگەی هەولێریان سووتاند لە هەولێر و دژی هەر ناوچەیەک دەوەستنەوە کە دژی بەرژەوەندییەکانی نەتەوەی تورک دەوەستنەوە.

ئەو گروپە هۆشداری لە دووبارەکردنەوەی کارەکە دەدەن و لە راگەیاندراوەکەیاندا هاتووە، وەکو چۆن باکووری سووریان وێران کرد و بازاڕی کەرکووکیان سووتاند، بەمشێوەیە کارەکەیان کە هەولایر کردووە و ئەوان کەسانێکیان هەیە کە لە هەموو شوێنێک خزمەتیان دەکەن.