مەسرور بارزانی نامەیەکی لە وەزیری دەرەوەی تورکیا پێ دەگات

مەسرور بارزانی، سه‌رۆكوه‌زیرانی هه‌رێمی كوردستان، نامەیەکی پیرۆزبایی بە بۆنەی جەژنی نەورۆزەوە، لە هاكان فيدان، وه‌زيرى ده‌ره‌وه‌ى توركياوه‌ پێگه‌يشت.

لە نامەکەدا وەزیری دەرەوەی تورکیا، پیرۆزبایی لە سه‌رۆكوه‌زیران دەکات و دەڵێت ، هيواى ساڵێكى پڕ له‌ خۆشى و ئارامى و ته‌ندروستيى باشتان بۆ ‌دەخوازم .

له‌ نامه‌كه‌دا هاتووە ؛ جه‌ژنى نه‌ورۆز سيمبولى خۆڕاگرى و ئاشتى و ژيانه‌وه‌ى سروشت و ساڵيكى نوێ و نه‌ريتێكى كۆنى هاوبه‌شمانه‌، هیوادارم له‌پێناو ئارامى و ئاشتى ‌ ناوچه‌كه‌ ، ‌ هه‌ماهه‌نگى و هاوبه‌شيى نێوان هه‌ردوولامان به‌هێزتر بێت.