کونسوڵخانەی چین لەبارەی “شامپۆ چینییەکە” ڕوونکردنەوە دەدات
کونسوڵخانەی چین ڕوونکردنەوە لەبارەی ئەو شامپۆیە دەدات کە بەهۆیەوە چەند کەسێک توشی هەستیاری پێستبوو بوون.
گوتەبێژی کونسوڵخانەی گشتی چین لە هەولێر ڕایگەیاند: “ئێمە سەرنجمان به‌و ڕاپۆرتانە داوه کە لەلایەن هەندێک لە دەزگاکانی ڕاگەیاندن بڵاوكراونه‌ته‌وه سەبارەت بە بەرهەمێکی شامپۆ بە ناوی بریملس “Brimles Herbal-Bubble”، لێره‌دا ده‌مانه‌وێت هاوسۆزی خۆمان بە بەکارهێنه‌رانی ئه‌و به‌رهه‌مه بگەیێنین”.
کونسوڵخانەی چین جەختی کردووەتەوە کە حکومەتی چین گرنگییەکی زۆر بە کواڵیتی و سەلامەتی کاڵاکانی هەناردەکردنی چین ده‌دات، فه‌رمانگه‌كانی ڕێکخستنی بازاڕ و گومرگ بەتووندی بڕگە پەیوەندیدارەکانی یاسای کۆماری میللی چین سەبارەت بە کواڵیتی بەرهەم بە پشکنینی کاڵای هاوردە و هەناردەکردن جێبەجێ دەکەن.
بریملس، جۆرە شامپۆییەکی چینییە، سەرەتای ئەمساڵ لە سلێمانی و هەولێر هەستیاری پێستی بۆ دوو هاونیشتمانی دروست کرد و پشکنینی تاقیگە دەریخست شامپۆکە شیاو نییە بۆ بەکارهێنان چونکە هەستیاری دروستدەکات.
