کەشناسیى هەرێم: دوانیوەڕۆ شەپۆلى بارانبارینەکە زیاتر دەبێت و هەورە تریشقە و لێزمەباران لەزۆربەی ناوچەکان دەبێت.
بەڕێوەبەرایەتى گشتى کەشناسى و بوومەلەرزەزانى هەرێمى کوردستان رایگەیاند، “ئەمڕۆ هەینی، ئاسمان بە گشتی هەوری باراناوی دەبێت، بارانی مامناوەند و تاوەباران لە ناوچەی جیاجیا دەبارێت، لە کاتەکانی نیوەڕۆ و دوانیوەڕۆ کاریگەرییەکە بەهێز دەبێت و هەورە تریشقە و لێزمەباران لەزۆربەی ناوچەکان دەبێت بەتایبەتى لە سنووری پارێزگای سلێمانی و هەڵەبجە و ئیدارەی گەرمیان”.
سەبارەت بە کەشوهەواى سبەی شەممە، لە راگەیەندراوەکەدا ئاماژە بەوە کراوە “ئاسمان هەورى باراناوی دەبێت و لێزمەباران و هەورە بروسکەی ناوبەناو لە زۆربەی ناوچەکان بەشێوەی پچڕپچڕ بەردەوامی دەبێت. لە کاتەکانی شەودا کاریگەرییەکە کەمێک لاواز دەبێت”.
بەرزترین پلەکانی گەرمای پێشبینیکراویش بە پلەی سیلیزی بەمجۆرە دیارییکراوە:
هەولێر : 21
سلێمانی : 20
دهۆک : 21
زاخۆ : 22
هەڵەبجە : 20
کەرکوک : 25
سۆران : 19
حاجی ئۆمەران : 13
گەرمیان : 26
